بھارت دنیا دی توجہ کشمیر دے مسئلے توں ہٹاونڑ سانگے کنڑول لائن تے ورکنگ بائونڈری تے جارحیت کریندا پئے ،وفاقی وزیر بین الاصوبائی رابطہ ریاض حسین پیرزادہ

اسلام آباد ۔30 نومبر (اے پی پی) وفاقی وزیر بین الاصوبائی رابطہ ریاض حسین پیرزادہ آکھیا ہے جو دہشت گرد غیر ملکی پیسہ گھن تے امن تباہ کریندے پے ہن اتے جنرل راحیل شریف پاکستان مسلم پاکستان مسلم لیگ ن دی حکومت پشت پناہی اتے چنگی سپورٹ نال اپریشن ضرب عضب کوں کامیاب اتے ملک اچ امن دے قیام کوں یقینی بنڑایا ۔ذرائع ابلاغ نال گالھ مہاڑ کریندے ہوئیں انہاں آکھیا جو اساڈی فوج دنیا دے سامنڑے ثابت کر ڈتا ہے جو پاک فوج بہادر تے شیر نینگراں دی فوج ہے ۔انہاں آکھیا جو بھارت دنیا دی توجہ کشمیر دے مسئلے توں ہٹاونڑ سانگے لائن آف کنڑول اتے ورکنگ بائونڈری تے جارحیت کریندا پئے جیں دا پاک فوج منہ تروڑ جواب ڈیندی ہے ۔انہاں آکھیا جو دنیا کشمیر دا مسئلہ اتے مقبوضہ کشمیراچ بھارتی ظلم تے خاموش ہے تاں جو پاکستانی حکومت ،عوام تے عسکری قیادت جانی ضیان تے خاموشی اختیار نی کر سگدے ۔وفاقی وزیر آکھیا جو ایہا وجہ ہے جو موجودہ حکومت مسئلہ کشمیر کوں پوری دنیا اچ نشابر کیتا ۔انہاں آکھیا جو ہک ڈینھ بھارتی جارحیت دا خاتمہ تھیسی اتے مسئلہ کشمیر دے حل نال ہی خطے اچ امن قائم تھیسی ۔