بین المسالک اتے بین المذاہب ہم آہنگی دے ودھارے سانگے علماءمشائخ کونسل قائم کرڈتی گی ہے ‘ دینی مدارس دے نصاب اچ نفرت انگیز مواد دے خاتمے سانگے نصاب کمیٹی قائم کیتی گی ہے،وزیر مملکت مذہبی امور پیر امین الحسنات دا ایوان بالا اچ جواب

اسلام آباد ۔25نومبر (اے پی پی) وزیر مملکت مذہبی امور پیر امین الحسنات آکھیا ہے جو بین المسالک اتے بین المذاہب ہم آہنگی دے ودھارے سانگے علماءمشائخ کونسل قائم کرڈتی گی ہے ‘ دینی مدارس دے نصاب اچ نفرت انگیز مواد دے خاتمے سانگے نصاب کمیٹی قائم کیتی گی ہے۔جمعے کوں ایوان بالا دے اجلاس اچ سوالاں دے وقفے دے دوران سینیٹر طاہر حسین مشہدی دے سوال دے جواب اچ انہاں آکھیا جو حکومتی سطح تے مختلف مذہب دے تہوار وی منائے ویندے ہن تاںجو بین المذاہب ہم آہنگی کوں ودھاراڈتا ونجے ۔علماءمشائخ کونسل اچ سارے وفاق اتے سارے مکاتب فکر اتے صوبیں دی نمائندگی موجو د ہے ۔