اسلام آباد ۔ 18 نومبر(اے پی پی) دفتر خارجہ دے ترجمان آکھیا جو افغانستان اچ داعش سمیت غیر ریاستی عناصر قدم جمیندے پئن ،نیوکلیئر سپلائر گروپ دی رکنیت سانگے پاکستان سنجیدہ امیدوار اے۔پاکستان عدم پھیلائو دے مقاصد کوں مستحکم کرنڑ دی غرض نال اقدامات سانگے تیار اے۔دنیا دے کئی ملکان مقبوضة کشمیر اچ مظالم تے تحفظات دا اظہار کیتے۔افغانستان بارے پاکستان،چین اتے روس سہہ فریقی اجلاس آندے مہینے ماسکو اچ تھیسی۔خمیس کوں دفتر خارجہ دے ترجمان محمد نفیس زکریا ہفتہ وار پریس بریفنگ وچال صحافیاں دے مختلف سوالاں دے جواب ڈیندیں ہوئیں آکھیا جو پاکستان کوں افغانستان اچ غیر ریاستی عناصر دی سرگرمیاں تے تحفظات ہن ،داعش سمیت غٰ ریاستی عناصر آپنڑے قدم جمیندے پئن ۔افغانستان اچ امن پاکستان اتے خطے دے فائدے اچ اے۔این ایس جی دی رکنیت بارے ہک سوال دا جواب ڈیندیں ہوئیں ترجمان آکھیا جو پاکستان خود کوں این ایس جی رکنیت سانگے سنجیدہ ثابت کیتے۔پاکستان رکنیت دی پوری صلاحیت رکھیندے ،گروپ دے رکن ملکان جوہری تحفظ تے سلامتی بارے پاکستان دے اقدامات تے اطمینان کیتے۔کئی ملکاں این ایس جی دی رکنیت سنگے پاکستان دی حمایت کیتی اے جیڑھی جو متحرک پاکستانی سفارت کاری دا نتیجہ اے۔
