اسلام آباد ۔ 17 نومبر(اے پی پی) ترکی دے صدر رجب طیب اردوان دے اعزاز اچ وزیراعظم ہاﺅس اچ خمیس کوں باضابطہ استقبالیہ تقریب منعقد تھی جیرھے جو صدر ممنون حسین دی دعوت تے ڈو ڈینھ دے دورے تے گزریل شام وفاقی دارالحکومت پجے ہن۔ وزیر اعظم محمد نواز شریف ایوان وزیر اعظم آمد تے ترک صدر دا پرتپاک خیر مقدم کیتا۔ ایں موقع تے ڈوہیں ملکاں دے قومی ترائے وجائے گے ۔ مسلح فوج دے چاق وچوبند دستے ترک صدر کوں سلامی پیش کیتی ۔رجب طیب اردوان گاڑدآف آنر دامعائنہ کیتا ۔ وزیر اعظم محمدنواز شریف اپنڑی کابینہ دے ارکان دا ترک صدر نال تعارف کرایا ،جڈاں جو ترک صدر اپنڑے وفد داوزیراعظم نال تعارف کرایا ۔بعد اچ ڈوہیں رہنماواں وچال ون ٹو ون ملاقات تھی ۔
