اسلام آباد ۔ 17 نومبر (اے پی پی) وفاقی وزیر پارلیمانی امور شیخ آفتاب آکھیا ہے جو ترکی دے صدر رجب طیب اردوان دے کامیاب دورہ پاکستان نال ڈوہیںملکاں وچال تعلقات وچ چنگائی آوسی۔ ریڈیو پاکستان نال گالھ مہاڑ کریندے ہوئیں انھاں آکھیا جو پاک ترک یاری دے تعلقات دی بہوں بپرانڑی اتے لمبی تریخ اتے ترک صدر دا تریخی دورہ پاکستان نال ڈوہائیں ملکان دے تعلقات وچ چنگائی آوسی۔ انھاں آکھیا جو ڈوہائیں ملکاںدی عوام وی ہک بئے کوں احترام دی نگاہ نال ڈیکھدے ہن اتے ہک بئے دے ملک کوں اپنڑاں ڈوجھا گھر سمجھدن۔مسئلہ کشمیر بارے ترک صدر دے بیان دے حوالے نال گالھ مہاڑ کریندے ہوئیں شیخ آفتاب آکھیا جو ترک صدر ولوںایںمسئلے کوں ودھ ساری اہمیت ڈونڑ خوشی دی گالھ ہے۔ انھاں آکھیا جو ترک صدر چاہندن جو مسئلہ کشمیر کوںکشمیریاں دیاں امنگاں مطابق حل کیتا ونجڑ چاہیدے اتے انہاں کوںا یہ موقع ڈیونڑ چاہیدے جو ا وہ ایں گالھ داخود فیصلہ کرن جو انھاں کیندے نال رہونڑا ہے ۔ پاکستان اتے ترکی وچال کیتے گئے معاہدیاں دے حوالے نال پوچھے گئے سوال دا جواب ڈیندے ہوئیں انھاں آکھیا جو ترک صدر دے موجودہ دورہ پاکستان وچ معاشی اتے دفاعی شعبیں وچ تعاون دے کئی معاہدے کیتے گئے ہن جنہاں نال ڈوہائیں ملک ہک بئے دے تجربات توں فائدہ چیسن اتے تجارتی تے معاشی رابطے پکے تھیسن۔
