اسلام آباد ۔25نومبر (اے پی پی) وفاقی وزیر انسانی حقوق کامران مائیکل آکھیا ہے جو تریمتاں دے تحفظ سانگے قنون تے چنگے عمل در آمد کوں یقینی بنڑایا ویسی۔جمعے کوں ایوان بالا اجلاس اچ سوالاں دے وقفے دے دوران اعظم سواتی دے سوال دے جواب اچ انہاں آکھیا جو تریمتاںکوں بااختیار بنڑاونڑ دے معاملے تے حکومت غافل کائنی ۔متعلقہ قوانین دے سختی نال عمل در آمد کیتا ویسی ۔انہاں آکھیا جو تریمتاں دے تحفظ سانگے غیرت دے ناں تے قتل اتے زیادتی جیہوجے جرائم دی روک تھام سانگے وی چنگی قنونی سازی کیتی گی ہے ۔انہاں آکھیا جو تریمتاں دے خلاف تعصبات دے خاتمے دے کنونشن تے عمل در آمد وژن 2025اتے تریمتاں دی حیثیت نال قومی کمیشن دے قیام جیہو جے مختلف اقدامات کیتے گے ہن ۔
