ملتان۔23 نومبر(اے پی پی )نامور گلوکارہ ثریا ملتانیکر آکھیا جو پی ٹی وی اساڈے سامنڑے وڈا تھیے،اوندے پروڈیوسر اتے بئے کارکناں بہوں محنت کیتی اے۔اے ادارہ اج دے سارے ٹی وی چینلز دی بنیاد اے۔اساں پاکستان ٹیلی ویژن کوں آپنڑے سامنڑے ترقی کریندا ڈٹھے۔اساں ہنڑ بڈھے تھی گیسے جڈانجو خوشی دی اے گالھ اے جو پی ٹی وی نینگر تھی گئے ۔اے گالھیں انہاں پاکستان ٹیلی ویژن سنٹر اچ پی ٹی وی دی 52ویں سالگنڈھ دے موقع تے تھیونڑ آلے خصوصی شو دی ریکارڈنگ وچال مہمان خصوصیت دی حیثیت نال گالھ مہاڑ کریندیں ہوئیں آکھی۔شو اچ نامور گلوکار نعیم الحسن ببلو ،صدارتی ایوارڈیافتہ براڈکاسٹر قیصرنقوی،ڈپٹی ڈائریکٹر آئی ایس پی آر میجر تاج محمد،ریڈیوپاکستان دے اسٹیشن ڈائریکٹر آصف خان کھیتران،سابق وفاقی وزیر حسین جہانیاں گردیزی،پاکستان ٹیلی ویژن سنٹر ملتان دے جنرل منیجر سیف الدین ،نامور سرائیکی شاعر مقبول گیلانی،سرائیکی شاعرہ رضوانہ تبسم درانی،کالم نگار ظہوردھریجہ،رضی الدین رضی سمیت زندگی دے مختلف شعبیاں توں تعلق رکھنڑ آلی شخصیات،فنکاراں ،گلوکاراں اتے پی ٹی وی ملتان دے کارکناںدی وڈی تعداد شریک تھئی۔
