وفاقی کابینہ دے اجلاس اچ ریاست دے تحفظ سانگے اپنڑاں فرض احسن طور تے پورا کرنڑتے چوہدری نثار علی خان دی تعریف،گڈانی شپ یارڈ اچ بھاہ لگ ونجنڑ دے واقعہ اچ جاں بحق تھیونڑ آلیں تے پولیس ٹریننگ کالج کوئٹہ دے شہیداں سانگے فاتحہ خوانی
اسلام آباد ۔ 2 نومبر (اے پی پی) وزیراعظم محمد نواز شریف دی سربراہی اچ وفاقی کابینہ ریاست دی عملداری قائم کرنڑ تے قانون نافذ کرنڑ آلے اداریں دے کردار دی تعریف کریندے ہوئیں ”اسلام آباد تے یلغار تے اینکوں بند کرنڑ “ دی درپیش صورتحال توں موثر طور تے نبردآزما تھیونڑ تے وزیر داخلہ چوہدری نثار علی خان دیاں کوششاں کوں سراہیا۔ وزیراعظم بدھ کوں کابینہ اجلاس دی صدارت کریندے ہوئیں ریاست دے تحفظ سانگے اپنڑاں فرض سر انجام ڈیونڑ تے پر وزیرداخلہ چوہدری نثار علی خان دی تعریف کیتی۔ وزیراعظم آکھیا جو ریاست دی عملداری قائم کرنڑ تے قنون نافذ کرنڑ آلے اداریں دا کردار قابل تحسین ہے ،ایںموقع تے وزیر داخلہ آکھیا جو انہاں وزیراعظم نواز شریف دی رہنمائی اتے قیادت دے تحت اپنڑاں فرض پورا کیتا تے انہاں دے اعتماد تے حمایت تے اظہار تشکر کیتا ۔انہاں پولیس تے فرنٹیر کانسٹیبلری کوں خراج تحسین پیش کریندے ہوئیں آکھیا ہے جو او ریاست تے اقنون نافذ کرنڑ آلے اداریں دے نال رل تے کھڑے ہن ،وزیر مملکت مذہبی امور پیر امین الحسنات تلاوت دی سعادت حاصل کیتی ۔کابینہ گڈانی شپ یارڈ اچ بھا ہ دے واقعے اچ جاں بحق تھیونڑ آلیں تے پولیس ٹریننگ کالج کوئٹہ دے شہیداں سانگے فاتحہ خوانی وی کیتی ۔
