اساڈی تحمل دی پالیسی کوں کمزوری سمجھنڑ بھارت سانگے خطر ناک ہوسی ،جنوبی ایشیا اچ دیر تئیں امن تے ترقی مسئلہ کشمیر دے حل دے بغیر ممکن کائنی ،اندرلے تے باہرلے خطریں نال نبڑنڑ سانگے کرپشن اتے انتہا پسندی دا خاتمہ ضروری ہے ،سی پیک نال پاکستان ،چین وسطی ایشیا اتے بئے ملکاں دے سانجھے تعاون تے خوشحالی کوں ودھارا تھیسی ،سی پیک دا سفر شروع تھی گیا ہے ہنڑ اینکوں کوئی وی نی روک سگدا ،سیاسی مفاہمت دے ذریعے افغانستان اچ امن دے قیام سانگے کوششاں کیتیاں ونجن ،سیکورٹی دے پیچیدہ حالات ،درپیش چیلنجز ہنڑ ختم کائنی تھیے
راولپنڈی ۔ 29 نومبر (اے پی پی) سبکدوش تھیونڑ آلے بری فوج دے سربراہ جنرل راحیل شریف بھارت تے واضح کیتا ہے جو اساڈی تحمل دی پالیسی کوں کمزوری سمجھ گھننڑ خود بھارت سانگے خطر ناک ہوسی ‘جنوبی ایشیاءاچ دیر تئیں امن تے ترقی مسئلہ کشمیر دے حل دے بغیر ممکن کائنی ،اندرلے تے باہرلے خطریں نال نبڑنڑ سانگے کرپشن اتے انتہا پسندی دا خاتمہ ضروری ہے ،سی پیک نال پاکستان ،چین وسطی ایشیا اتے بئے ملکاں دے سانجھے تعاون تے خوشحالی کوں ودھارا تھیسی ،سی پیک دا سفر شروع تھی گیا ہے ہنڑ اینکوں کوئی وی نی روک سگدا ،سیاسی مفاہمت دے ذریعے افغانستان اچ امن دے قیام سانگے کوششاں کوں یاد رکھیا ویسی اتے سیاسی مفاہمت دے ذریعے افغانستان اچ امن دے قیام سانگے کوششاں کیتیاں ویسن ،سیکورٹی دے پیچیدہ حالات ،درپیش چیلنجز ہنڑ وی کائنی مکیے ،اجوکے سالاں دی کامیابی سانگے استحکام سانگے شہیداں دیاں قربانیاں کوں کہیں وی صورت کائناں بھلیا ویسی ،قوم اتے ادارے یکسو تھی تے صورت حال نال نبڑن۔او منگل کوں راولپنڈی اچ مدت ملازمت پوری کرنڑ دے بعد کمان دی تبدیلی دی تقریب توں خطاب کریندے پئے ہن ۔سپیکر قومی اسمبلی ایاز صادق ،وزیر دفاع خواجہ آصف ‘وزیر سیفرون لیفٹیننٹ جنرل (ر) عبدالقادر بلوچ ‘وزیر مملکت اطلاعات تے نشریات مریم اورنگزیب ،مشیر قومی سلامتی امور لیفیٹننٹ جنرل (ر) ناصر جنجوعہ ،چیئرمین جوائنٹ چیفس آف سٹاف کمیٹی جنرل زبیر حیات دے علاوہ ارکان پارلیمنٹ ‘اعلیٰ سول تے فوجی حکام ،غیر ملکی مندوبین ‘قومی تے بین الاقوامی ذرائع ابلاغ دی ودھ ساری تعداد موجود ہئی ۔جنرل راحیل شریف اپنڑے خطاب اچ جو بطور آرمی چیف قومی مفادات کوں سامنڑے رکھیا اپنڑی اتے فوجی توانائی چنگے اچ صرف کیتی ،ایں دوران قوم دا پورا تعاون حاصل رہیا جیں تے قوم تے پاک فوج دا شکر گزار ہاں ۔انہاں آکھیا جو پاک فوج دے نال ملک تے ملت دا مضبوط رشتہ رہیا تے امید ہے جو مستقبل اچ مزید مستحکم تھیسی ۔انہاں آکھیا جو پاک فوج ہمیشی قوم دے اعتماد تے پوری لہسی ۔انہاں آکھیا جو پاک فوج دیاں کامیابیاں اچ ایف سی ،رینجرز اتے ،پولیس لیویز اتے بئے سیکورٹی فورسز دیاں قربانیاں وی شامل ہن ۔انہاں آکھیا جو اپریشن ضرب عضب اچ حاصل کامیابیاں مثالی ہن ۔انہاں آکھیا جو مادر وطن دے دفاع سانگے پاک فوج دے نال نال شہریاں ،تریمتاں تے بالاں بزرگاں وی قربانیاں ڈتیاں اساں شہیداں کوں خراج عقیدت اتے سلام پیش کریندوں ۔انہاں آکھیا جو وطن عزیز دے خلاف کوئی ناپاک عزائم کوں کامیاب نہ تھیونڑ ڈیسوں ،ملک دے دفاع کوں ناقابل تسخیر بنڑا ڈتا ہے ،انہاں آکھیا جو دہشت گردی دے خلاف ودھ ساریاں کامیابیاں حاصل کیتیاں ،بلوچستان تے کراچی اچ امن ،اپریشن ضرب عضب دیاں کامیابیاں دے ثمرات واضح نظر امدے پن ۔انہاں وفاقی تے صوبائی حکومتاں دا ،سیاسی قیادت دا شکریہ ادا کریندے ہوئیں آکھیا جو اساڈی کامیاب کوششاں انہاں ساریں دی شمولیت نال پوریاں تھیاں ،میکوں ایں گالھ دی وی خوشی ہے جو اساڈی قوم انہاں ساریاں کوششاں کوں رائے عامہ اعتماد رہیا ،قومی اتفاق رائے اچ میڈیا دے مثبت کردار تے صحافتی حلقیں دا شکر گزار ہاں ۔انہاں آکھیا جو ائیر فورس تے پاکستان نیوی دا وی شکر گزار ہاں ،اساڈیاں کامیابیاں اچ انہاں دا تعاون وی رہیا ہے ،مسلح فوج دے سانجھے رابطے ،تعاون اساڈ ا بیش قیمت اثاثہ ہے جیں تے اساکوں فخر ہے ۔انہاں آکھیا جو بد قسمتی نال اجوکے مہینیںاچ بھارت مقبوضہ کشمیر دے اندر ریاستی دہشت گردی اتے جارحیت دا سہارا گھننڑ شروع کیتا ہے جیں نال خطے دا امن خطرے اچ پئے گیا ہے بھارت تے واضح کر ڈیونڑ چاہندوں جو پاکستان دی تحمل دی پالیسی کوں کچا نہ سمجھا ونجے اے خود بھارت سانگے خطر ناک ثابت تھیسی ۔نہاں نوجواناں کوں پاکستان داروشن مستقبل قرار ڈیندے ہوئیں آکھیا جو نوجوان اگی تے ودھن اتے ملکی خوشحالی دے سفر اچ چنگاں کردار ادا کریندے ہوئیں ایں مشن کوں اگی تے گھن تے ودھن ۔جنرل راحیل شریف آکھیا جو اج پاک فوج توں رخصت تھیندے ہوئیں میکوں فخر ہے جو میڈی زندگی ہک عظیم مقصد سانگے صرف تھی ہے ،ایں ادارے دا مستقبل روشن تے تابناک ہے ۔انہاںآکھیا جو اساں اداریں دے استحکام تے یقین رکھیندوں ،ایں ضمن اچ ہمیشہ کوشش رہی ہے جو سارے ادارے رل تے کم کرن ۔کمانڈ دی تبدیلی اعلیٰ اقدار دے تسلسل دی علامت ہے ،پاک فوج خوش قسمتی نال اعلیٰ پیشہ ورانہ مہارت اتے مضبوط قوت فیصلہ دی حامل ہے ۔انہاں پاک فوج اعلیٰ پیشہ ورانہ معیار کوں ہر طور تے برقرار ،قربانی دی روایات اتے جذبے دے نال وطن دی خدمت مقدم رکھیسی ،صلاحیتاں تے پورا اعتماد اللہ دی نصرت تے یقین ہے ،انشاءاللہ فتح تے کامرانی اساڈا مقدر بنڑ ویسی ۔
