اسلام آباد ۔ 10 نومبر (اے پی پی) وزیر دفاع خواجہ محمد آصف آکھیا ہے جو سپریم کورٹ دا فیصلہ سیالکوٹ دے عوام دی صلاح دی تائید ہے ۔خمیس کوں حلقہ این اے 110اچ دھاندلی دے حوالے نال سپریم کورٹ دے فیصلے دے بعد سماجی میل جول دی ویب سائٹ ٹوئٹر تے جاری اپنڑے سنھیے اچ وزیر دفاع خواجہ آصف آکھیا جو سپریم کورٹ دے فیصلے تے او اللہ سئیں دا شکر ادا کریندے ہن ۔انہاں آکھیا جو میڈے حلقہ انتخاب دے عوام دی جیرھی صلاح ہئی 2013اچ ہئی اج سپریم کورٹ دے فیصلے دے بعد انہاں دی صلاح دی تائید تھی گی ہے ۔انہاں آکھیا جو پی ٹی آئی وکٹاں ڈھاونڑ دا خواب ،خواب ہی رہ گیا ہے ۔انہاں آکھیا جو مسلم لیگ ن ہمیشہ عدالتاں د ااحترام کیتا تے آئندہ وی احترام کریندے رہسن ۔
