صدر مملکت داکراچی ٹرین حادثے اچ قیمتی جاناں دے ضیان تے ودھ سارے ڈکھ دا اظہار

اسلام آباد ۔ 3 نومبر (اے پی پی) صدر مملکت ممنون حسین کراچی ٹرین حادثے اچ قیمتی جاناں دے ضیان تے ودھ سارے ڈکھ تے افسوس دا اظہار کیتا ہے۔ صدر مملکت زخمی تھیونڑ آلیں دی وختی چنگی صحت سانگے دعا کیتی ،انہاں متعلقہ حکام کوں ہدایت کیتی جو او حادثے دی تحقیقات کرن اتے زخمیاں دے علاج اچ کوئی وی کسر نہ چھوڑن ۔صدر مملکت جاں بحق تھیونڑ آلے لوکاں دے ٹبر نال تعزیت دا اظہار کریندے ہوئیں آکھیا جو اللہ سئیں انہاں دی مغفرت فرماوے اتے انہاں دے ٹبر کوں حوصلہ ڈیوے ۔