صدر مملکت دی چیئرمین جوائنٹ چیفس آف سٹاف کمیٹی جنرل راشد محمود دے نال الوداعی ملاقات

ملک دادفاع مضبوط ہتھاں اچ ہے، قوم اتے مسلح فوج دشمن دے کہیں وی قسم دے حملے دا جواب ڈیونڑ سانگے ہر ویلھے تیار ہے
اسلام آباد ۔24 نومبر (اے پی پی) صدر مملکت ممنون حسین آکھیا ہے جو ملک دا دفاع مضبوط ہتھا ں اچ ہے، اساڈی قوم اتے مسلح فوج دشمن دے کہیں وی حملے دا جواب ڈیونڑ سانگے ہر ویلھے تیار ہے ۔انہاں اے گالھ چیئرمین جوائنٹ چیفس آف سٹاف کمیٹی جنرل راشد محمود نال گالھ مہاڑ کریندے ہوئیں آکھی جنہاں خمیس کوں ایوان صدر اچ انہاں نال چھیکڑی ملاقات کیتی ۔صدر مملکت جنرل راشد محمود دیاں خذمتاں اتے اپریشن ضرب عضب دی کامیابی اچ انہاں دیاں کوششاں کوں چنگاں آکھیا ۔انہاں آکھیا جو جنرل راشد محمو د ہک سچے اتے پیشہ ورانہ سپاہی ہن انہاں دیاں قائدانہ صلاحیتاں دی وجہ توں مسلح فوج دی مہارت اتے پیشہ ورانہ صلاحیتاں اچ ودھارا تھیا ہے ۔صدر آکھیا جو پاکستان دی مسلح فوج دنیا دی بہترین فوج اچوں ہک ہے انہاں ہیں وی قسم دی ناگہانی آفت دا وڈی دلیری اتے جوانمردی نال مقابلہ کیتا ،جنرل راشد محمود اپنڑی مدت دے دوران صدر مملکت دی معاونت اتے رہنمائی تے انہاں دا شکریہ ادا کیتا۔