اسلام آباد ۔ 18 نومبر (اے پی پی) صدر مملکت ممنون حسین عوامی نیشنل پارٹی دے رہنما حاجی عدیل دے انتقال اُتے ودھ سارے ڈکھ اتے افسوس اظہار کیتا۔ جمعے کوں آپنڑیں تعزیتی بیان اچ صدر مملکت آکھے جو مرحوم حاجی عدیل دی جمہوریت دی بالا دستی کیتے ودھ ساریاں خدمات ہن ۔ صدر مملکت حاجی عدیل دے سیاست اچ کردار دی تعریف کریندے ہوئیں انہاں دی جمہوریت کیتے قربانیاں بہوں دیر تئیں یاد رکھیاں ویسن۔ صدر مملکت مرحوم حاجی عدیل دے لواحقین نال اظہار تعزیت کیتے اتے انہاں دی مغفرت اتے بلندی درجات کیتے دعا منگی ۔
