صدر مملکت ممنون حسین نال یوکرین دے وزیر دفاع جنرل سٹیفن پولٹورک دی ملاقات

کراچی ۔ 23 نومبر (اے پی پی) صدر مملکت ممنون حسین آکھیا جو پاکستان یوکرین نال آپنڑے تعلقات کوں بہوں اہمیت ڈہندے اتے ڈو پاسہ تعلقات کوں بئیا مستحکم کرنڑ سانگے پر عزم اے۔انہاں اے گالھ کراچی اچ یوکرین دے وزیر دفاع جنرل سٹیفن پولٹورک نال ملاقات اچ آکھی جئیں اچ دفاعی پیدوار دے وفاقی وزیر رانا تنویر حسین، سیکریٹری دفاع جنرل (ر) سید محمد اویس اتے پاکستان اچ یوکرین دے سفیر وی شامل ہن ۔صدر مملکت آکھیا جو پاکستان اتے یوکرین وچال تجارتی حجم ودھاونر دی لوڑھ اے تانجو تعلقات اچ بئیا ودھارا تھی سگے ۔