اسلام آباد ۔ 12 نومبر (اے پی پی) صدر مملکت ممنون حسین کمپنیز آرڈیننس 2016دے نفاذ دی منظوری ڈے ڈتی ۔ وفاقی وزیر خزانہ سینیٹر اسحاق ڈار چھنڑ چھنڑ کوں ہک بیا ن اچ آکھیا جو کمپنیز آرڈیننس 2016 سارے فریقاں نال تفصیلی صلاح دے بعد نافذ کیتا گیا۔آرڈیننس دا مقصد پاکستان اچ کارپوریٹ سیکٹر کوں عالمی معیار دے مطابق کرنڑاں ہے ۔ نویں قنون دے نال معیشت اچ بہتری اتے اقتصادی ترقی دی شرح اچ ودھارا تھیسی اتے آپس دی ثالثی دے معاملیاں کوں چنگے انداز اچ حل کیتا ونج سگسی ۔ اسحاق ڈار آکھے جو کمپنیز آرڈیننس تاجر برادری دے پرانڑیں کوں پورا کرنڑ اچ مدد ملسی ۔ آرڈیننس دی دفعات اچ کمپنیاں دے قیام کیتے طریقہ کار اچ آسانی،ٹیکنالوجی دا ودھ توں ودھ استعمال ،بغیر اندراج شدہ کمپنیاں اچ بک انٹری فارم اچ فزیکل شیئرز دی منتقلی اتے ہر سطح اُتے دستاویزات دی حوصلہ افزائی شامل ہن ، اسحاق ڈار آکھے جو کمپنیاں دی فیصلہ سازی عمل اچ ارکان دی ودھ توں ودھ شرکت کوں یقینی بنڑاونڑ سانگے کمپنیز آرڈیننس 2016 مواصلات دے جدید الیکٹرانک زرائع کوں استعمال اچ گھن آونڑ دی حوصلہ افزائی کرنڑاں ہے ۔ آرڈیننس اچ میڈئم انٹرپرائزز دی سہولت کیتے خصوصی دفعات وی شامل ہن ۔ ایں توں علاوہ ایندے اچ کمپنیاں دی شریعہ سرٹیفیکیشن اتے سرمایہ کاراں کوں تحفظ ڈیونڑ سانگے رئیلاسٹیٹ کمپنیاں کیتے ضروریات بارے دفعات وی شامل کیتے گئے ہن ۔ ۔کمپنیز آرڈیننس 2016 اچ بیاں اصلاحات وی متعارف کریندے ، جیندے اچ فری زون کمپنیاں کیتے نرمی،زرعی شعبے دی ترقی کیتے ایگریکلچر پروموشن کمپنیاں دی رجسٹریشن اتے انویسٹر ایجوکیشن اتے آگاہی فنڈ دا قیام شامل ہن ۔
