اسلام آباد ۔ 2 نومبر (اے پی پی) مسلم لیگ (ن) دے رہنما بیرسٹر ظفر اﷲ اتے انوشہ رحمان خان آکھیا ہے جو عمران خان پوری قوم کوں ٹرک دی بتی دے پچھوںلاتا ہویا ہے انہاں کوں یو ٹرن گھندے ہوئیں شرمندگی وی کائنی تھیندی ،قومدے نال کوڑ الاونڑ دے ماہر عمران خان ہن ،اساں کمیشن دے سامنڑے موقف اختیار کیتا ہے جو اے معاملہ سپریم کورٹ اچ سنڑیج سانگے ہے ،اگر اینکوں اتھاں جاری رکھنڑ چاہندے ہن تاں ایندے تے کوئی اساکوں اعتراض کائنی ،اگر سپریم کورٹ دے فیصلے دا انتظار کریندے ہن تاں او وی اساکوں قبول ہے ۔بدھ کوں الیکشن کمیشن دے باہروں میڈیا نال گالھ مہاڑ کریندے ہوئیں بیرسٹر ظفر اللہ آکھیا جو الیکشن کمیشن دے سامنڑے موقف اختیار کیتا ہے جو پانامہ پیپرز دا معاملہ ہنڑ سپریم کورٹ اچ سنڑیج سانگے ہے ،اگر ایں سانگے اتھاں سنڑیج جاری رکھنڑی ہے تاں سپریم کورٹ دے فیصلے دا انتظار کرنڑاں ہے ،ڈوہیں صورت اچ اساکوں قبول ہے جیں دا حساب صاف ہووے ایندا کوئی ڈر نی ہوندا ،انہاں آکھیا جو ملک تے قوم کوں تاں جو اساکوں ہک پریشانی سمجھ اچ نی آندی عمران خان کڈاہیں رائیونڈ ویندے ہن تاں کڈاہیں لاہور ہائی کورٹ اچ ویندے ہن ،کڈاہیں اسلام آباد ڈاﺅن کرنڑ دی گالھ کریندے ہن کڈاہیں سپریم کورٹ چلے ویندے ہن ،عمران خان مہذب طریقے نال اداریں تے اعتماد کرن ہک سوال دے جواب اچ انہاں آکھیا جو عام انتخابات 2018اچ ہی تھیسن ،انوشہ رحمن آکھیا جو عمران خان جیویں کوڑ مریندے ہن انہاں تے حیرت تھیندی ہے ،کورٹ دے سامنڑے انہاں دے وکیلاں موقف اختیار کیتا ہے جو مریم صفدر دے خلاف انہاں ڈے کوئی ثبوت کائنی ،انہاں پوری قوم کوں ٹرک دی بتی دے پچھوں لاتا ہویا ہے او ڈساون جو ثبوت کتھاں ہن انہاں کوں یو ٹرن گھندے ہوئیں شرمندی وی کائنی تھیندی ،او قوم دے سامنڑے کوڑ مارنڑ دے ماہر بنڑ گے ہن ۔