اسلام آباد ۔07 نومبر (اے پی پی) وفاقی وزیر ترقی تے منصوبہ بندی پروفیسر احسن اقبال آکھیا ہے جو گوادر توں کوئٹہ تئیں سڑک بنڑا گھدی گئی ہے جڈاں جو ڈیرہ اسماعیل کان توں برہان تئیں سڑک دی تعمیر تے تکھے کم جاری ہے ۔ریڈیو پاکستان نال گالھ مہاڑ کریندے ہوئیں انہاں آکھیا جو سی پیک تے تکھے کم جاری ہے ایں منصوبے دے پورا تھیونڑ نال پاکستان سمیت خطے دی تقدیر بدل ویسی ۔وفاقی وزیر آکھیا جو گوادر پورٹ توں سامان کوئی کوئٹہ منتقل کرنڑ سانگے ایندے توں پہلے کوئی وی زمینی رستہ کائناں ہئی موجودہ حکومت گوادر توں کوئٹہ تئیں ساڈھے چھی سو کلو میٹر سڑک بنڑاونڑیں شروع کیتی جیں کوںمقررہ مدت توں ڈو مہینے پہلے پورا کر گھدا گیا ہے ،انہاں آکھیا جو کوئٹہ توںپشاور اتے پشاور توں ڈیر اسماعیل خان تئیں چار سو کلومیٹر سڑک دی تعمیر دا کم وی شروع کر ڈتا گیا ہے ۔پاکستان اچ موجودہ سیاسی صورت حال دے حوالے نال پچھے گے سوال دے جواب اچ انہاں آکھیا جو 2013توں ترقی تے خوشحالی دے نویں رستے کھلیے ہن ملکی دی معیشت اچ چنگائی آئی ہے ،عوام با شعور تھی گے ہن او چاہندے ہن جو حکومت آئینی مدت پوری کرے انہاں دھرنیں دی سیاست کوںمسترد کر ڈتا ہے
