اسلام آباد ۔ 20 نومبر (اے پی پی) جاری مالی سال 2016-17 ءاچ ستمبر دے میہنے اچ سوتی دھاگے دی برآمدات اچ 3.6 ملین ڈالر دی کمی واقع تھئی ہے ۔ ادارہ برائے شماریات دے اعدادوشمار دے مطابق گزریل مالی سال اچ ستمبر 2015 ءدے دوران سوتی دھاگے دی ملکی برآمدات 12.2 ملین ڈالر ریکارڈ کیتی گئی ہن ، جڈانجو جاری مالی سال اچ ستمبر 2016 ءدے دوران سوتی دھاگے دی قومی برآمدات 8.6 ملین ڈالر تئیں گھٹ تھی گئن، ایں طرح ستمبر 2015 ءدے مقابلہ اچ ستمبر 2016 ءدے دوران سوتی دھاگے دی برآمدات اچ 3.6 ملین ڈالر دی کمی ریکارڈ کیتی گئی ہے۔
