اسلام آباد ۔ 22 نومبر (اے پی پی) اسلام آباد اتے راولپنڈی سمیت بالائی پنجاب اتے ملک دے ودھ سارے علاقیاں وچ مطلع ابر آلودرہونڑ، مالاکنڈ ڈویژن اتے گلگت بلتستان وچ کجھ جئیںتے ہلکا مینھ وسنڑاتے پہاڑاں تے برفباری دا امکان ہے۔محکمہ موسمیات دے مطابق گزریل24 گھنٹے دے دوران ملک دے ودھ سارے علاقیاں وچ موسم ٹھڈھا اتے رکھا رہیا تاں جو مالاکنڈ ڈویژن وچ کجھ جئیں تے ہلکا مینھ وسیا اتے گلگت دے پہاڑی سلسلیاں تے ہلکی پھلکی برفباری تھئی ۔سبھ توں ودھ مینھ کالام وچ 5 ملی میٹراتے ونھ توں گھٹ درجہ حرارت قلات وچ منفی 4ڈگری ریکارڈ کیتا گئے ۔ محکمہ موسمیات دے مطابق آندے 24گھنٹے دے دوران اسلام آباد اتے راولپنڈی سمیت بالائی پنجاب اتے ملک دے ودھ سارے علاقیاں وچ مطلع ابر آلود رہونڑ جڈانجومالاکنڈ، ہزارہ ڈویژن، بالائی فاٹا اتے گلگت بلتستان وچ کجھ جئیں تے مینھ وسنڑ اتے پہاڑاں تے ہلکی برفباری داامکا ن ہے۔ملک دے بئے علاقیاں وچ موسم بدستور ٹھڈھا تے رکھا رہونڑ داامکان ہے۔
