راولپنڈی ۔ 29 نومبر (اے پی پی) نویں چیف آف آرمی سٹاف جنرل قمر جاوید باجوہ16ویں چیف آف آرمی سٹاف دی حیثیت نال پاک فوج دی کمان سانبھ گھدی ‘سبکدوش تھیونڑ آلے آرمی چیف جنرل راحیل شریف روایتی چھڑی ”ملاکہ“ نویں آرمی چیف جنرل قمر جاوید باجودہ دے حوالے کیتی ۔راولپنڈی وچ کمان تبدیلی سانگے پروقار تقریب دا انعقاد کیتا گیا ۔تقریب وچ سپیکر قومی اسمبلی ایاز صادق ،وزیردفاع خواجہ آ صف، وفاقی وزیر دفاعی پیداوار رانا تنویر،مشیر خارجہ سرتاج عزیز ، وزیر سیفرون عبدالقادر بلوچ ، وزیرمملکت اطلاعات تے نشریات مریم اورنگزیب سمیت پارلیمنٹ دے بئے ارکاناں سمیت اعلیٰ سول تے فوجی حکام شرکت کیتی۔پاک فوج دی تبدیلی کمان دی تقریب وچ چیئرمین جوائنٹ چیفس اآف اسٹاف کمیٹی جنرل زبیر حیات،فضائیہ اتے بحریہ دے سربراہاں ، غیر ملکی سفارت کاراں سمیت ریٹائرڈ فوجی افسراں اتے انہاں دے اہل خانہ وی شریک تھئے۔ایںموقع تے تقریب دے مہمان خصوصی جنرل راحیل شریف کو ںفرنٹیئر فورس رجمنٹ دے دستے اتے جنرل قمر جاوید باجوہ کوں بلوچ رجمنٹ دے دستے سلامی پیش کیتی۔ نویں فوجی سربراہ دا تعلق بلوچ رجمنٹ نال ہے۔ایں توں پہلے تقریب وچ اعزازی لیفٹیننٹ غلام علی دی قیادت وچ ملٹری بینڈ سلامی دے چبوترے دے سامنڑے مختلف ملی نغمے دیاں دھناں وجائیاں ۔ اعزازی گارڈ دے دستے دی قیادت میجر حارث اسلم کیتی۔
