وزیراعظم دا لائن آف کنڑول تے وگرڈی ہوئی صورت حال دے حوالے نال اجلاس توں خطاب

اقوام متحدہ بھارت ولوں لائن آف کنڑول تے سیز فائر دیاں خلاف ورزیاں اتے کشیدگی دابلا جواز ودھارے دانوٹس گھنے ،پاکستان ولوں ضبط تے تحمل دے مظاہرے کوں اساڈی کمزور ی نہ سمجھیا ونجے ،کہیں وی جارحیت دے خلاف اپنڑی سرزمین دے دفاع دی چنگی صلاحیت رکھیندوں

اسلام آباد ۔ 15 نومبر (اے پی پی) وزیراعظم محمد نواز شریف ایں امر تے زورڈتا جو اقوام متحدہ بھارت ولوں لائن آف کنڑول تے سیز فائر دیاں خلاف ورزیاں اتے کشیدگی دابلا جواز ودھارے دانوٹس گھنے ،پاکستان ولوں ضبط تے تحمل دے مظاہرے کوں اساڈی کمزور ی نہ سمجھیا ونجے ،کہیں وی جارحیت دے خلاف اپنڑی سرزمین دے دفاع دی چنگی صلاحیت رکھیندوں ۔انہاں اے گالھ منگل کوں سویرے وزیر اعظم ہاﺅس اچ لائنٹ آف کنڑول تے وگڑدی ہوئی صورت حال دے حوالے نال اجلاس دی صدارت کریندے ہوئیں آکھی ۔وزیراعظم دے مشیر خارجہ سرتاج عزیز وزیراعظم کوں لائن آف کنڑول تے صورت حال تے اجوکی بلا اشتعال بھارتی فائرنگ ،جیں اچ بھمبر دے علاقے اچ ست پاکستانی سپاہی شہید تھی گے ،دے بعد حکومت دے دے رد عمل بارے ڈسایا ،وزیراعظم دے مشیر خارجہ وزیراعظم کوں بھارت ولوں شہری آبادی دے علاقیں کوں ہدف بنڑا تے اندھا دھند فائرنگ کرنڑ اتے گولہ باری دے ودھدے ہوئے واقعات بارے ڈسایا ۔انہاں آکھیا جو بھارتی فوج ولوں فائرنگ دے اجوکے واقعات پاروں 26شہری شہید اتے 107زخمی تھے ہن جیں اچ تریمتاں تے بال شامل ہن جیرھے جو 2003دی سیز فائر مفاہمت اتے بین الاقوامی قنون دی خلاف ورزی ہے ۔وزیراعظم شہیداں دے خانداناں نال ہمدردی دا اظہار کریندے ہوئیں ایں گالھ تے زور ڈتا جو پاکستان بھارتی تشدد دے باوجود ودھ ضبط دا مظاہرہ کریندا پیا ہے جیں کوں اساڈی کمزور ی نہ سمجھیا ونجے ۔انہاں آکھیا جو پاکستان کوںایجھے ہتھکنڈیں نال مرعوب نی کیتا ونج سگدا اتے اساکوں جارحیت دے خلاف اپنڑی سرزمین دفاع دی ودھ ساری صلاحیت رکھیندوں ۔وزیراعظم آکھیا جو بھارتی فوج ولوں لائن آف کنڑول کشیدگی اچ دانستہ ودھارا علاقائی امن تے سلامتی سانگے خطرہ ہے ۔انہاں آکھیا جو اے بھارتی حکام ولوں مقبوضہ کشمیر دے نہتے کشمیریاں اتے بے گناہ لوکاں دے خلاف بد ترین نوعیت دے ظلم توں دنیا دی توجہ ہٹاونڑ دی کوشش ہے ۔وزیراعظم ایں گالھ تے زور ڈتا جو اقوام متحدہ کوں لائن آف کنڑول تے سیز فائر دیاں خلاف ورزیاں اتے ڈوہیں ملکاں وچال کشیدگی دا بلا جواز نوٹس گھننڑاں چاہیدا ہے ۔انہاں آکھیا جو اساڈی مسلح فوج فائر اچ پہل کائنی کریندی لیکن او کہیںوی جارحیت دا ہمیشہ چنگے انداز اچ جواب ڈیسن ۔وزیراعظم کوں امریکہ اچ اجوکے صدارتی انتخابات دے تناظر اچ پاک امریکہ تعلقات بارے ڈسایا گیا ۔ قومی سلامتی مشیر لیفٹیننٹ جنرل (ر) ناصر خان جنجوعہ، وزیراعظم دے معاون خصوصی طارق فاطمی اتے بئے سینئر حکام شرکت کیتی۔