پاکستان دا اقتصادی منظر نامہ گزریل ترائے سالیں اچ بدل گئے ،اساڈی سرمایہ کاری پالیسی غیر ملکی سرمایہ کاری کوں راغب کرنڑ دی غرض نال جامع ڈھانچہ ڈیونڑ سانگے بنڑائی گئی اے،سی پیک خطے دے ارباں لوکاں دی زندگیاں کوں بدلنڑ ویندا پئے ،وزیراعظم محمد نواز شریف دی چینی سرمایہ کارکمپنیاں دے کنسورشیم دے وفد نال ملاقات اچ گالھ مہاڑ
مثالی اتے سرمایہ کاری دوست ماحول سانگے وزیر اعظم محمد نواز شریف دا قائدانہ کردار قابل تحسین اے،چینی وفد دے ارکان
اسلام آباد ۔ 4 نومبر (اے پی پی) وزیراعظم محمد نواز شریف آکھیا جو پاکستان دا اقتصادی منظر نامہ گزریل ترائے سالیں اچ بدل گئے ،اساڈی سرمایہ کاری پالیسی غیر ملکی سرمایہ کاری کوں راغب کرنڑ دی غرض نال جامع ڈھانچہ ڈیونڑ سانگے بنڑائی گئی اے،سی پیک خطے دے ارباں لوکاں دی زندگیاں کوں بدلنڑ ویندا پئے ۔زرمبادلہ دے ذخائر 24ارب ڈالر توں ودھ چکین ۔انہاں اے گالھ چینی سرمایہ کارکمپنیاں دے کنسورشیم دے وفد نال ملاقات اچ گالھ مہاڑ کریندیں ہوئیں آکھی جنہاں جمعہ کوں ایوان وزیر اعظم اچ انہاں نال ملاقات کیتی۔وزیر اعظم وفد دا پرتپاک خیر مقدم کریندیں ہوئیں آکھیا جو ہر گزرنڑ آلے ڈینھ نال مضبوط تھیندی سدا بہار دوستی اتے تعاون چین دی قیادت اتے برادر عوام دے شکر گزار ہیسے۔ سٹینڈرڈ اینڈ پوورز وی پاکستان دی رینکنگ منفی بی توں بی کر ڈتی اے۔
