اسلام آباد ۔07 نومبر (اے پی پی) وزیراعظم دے مشیر برائے خارجہ امور سرتاج عزیز نال پاکستان اچ نیپال دی سفیر سیوا لمسال ادھیکری سنوار کوں اتھاں ملاقات کیتی اتے ڈو طرفہ تعلقات دے نال نال علاقائی صورتحال اُتے وی گالھ مہاڑ کیتی گئی ۔ ایں موقعے تے وزیراعظم دے مشیر آکھے جو پاکستان نیپال دے نال آپنڑیں تعلقات کوں ودھ ساری اہمیت ڈیندے ۔ ڈوہائیں ملکاں دے خوشگوار تعلقات علاقائی اتے عالمی سطح تے قریبی تعاون کوں ظاہر کریندے ہن ۔ انہاں امید کیتی جو نویں سفیر دے قیام دی مدت دے دوران بھرا ملکاں وچال پہلے توں موجود تعلقات بئے مضبوط تھیسن۔ سرتاج عزیز ایںموقعے تے مقبوضہ جموں و کشمیر اچ بھارتی مظالم بارے وی ڈسایا۔ ایں موقعے تے نیپال دی سفیر ڈوہائیں ملکاں وچال تعلقات دے ودھارے اُتے تسلی دا اظہار کتیا، اتے امید کیتی جو ایندے اچ بئی تیزی امسی۔انہاں کوئٹہ اچ دہشت گردی دے اجوکے حملے اچ قیمتی جاناں دے ضیاع اُتے تعزیت دا وی اظہار کیتا۔
