وزیراعظم محمد نواز شریف دا دفاعی نمائش ”آئیڈیاز 2016ئ“ دی افتتاحی تقریب نال خطاب

Pakistan's Prime Minister Nawaz Sharif speaks during a news conference with Thailand counterpart Yingluck Shinawatra (not pictured) at the Prime Minister's residence in Islamabad August 20, 2013. REUTERS/Mian Khursheed (PAKISTAN - Tags: CIVIL UNREST POLITICS)

حکومت معیشت کو ںمستحکم بناونڑ سانگے پرعزم ہے، ملک وچ سرمایہ کاری سانگے سازگار ماحول اتے منافع بخش سرمایہ کاری سانگے ودھ سارے موقع موجود ہن ، دفاعی صنعت دی ترقی سانگے سرمایہ کاری کر یندے پیوں، ملک وچ شرح سود گھٹ ترین سطح تے ہے، افراط زر وچ وی ودھ گھٹکی ، شرح نمو وچ ودھارااتھیا ہے
کراچی ۔ 22 نومبر (اے پی پی) وزیراعظم محمد نواز شریف پاکستان دی سبھ توں وڈی دفاعی نمائش ”آئیڈیاز 2016ئ“ دا افتتاح کر ڈتے۔ منگل دے ڈینھ ایکسپو سینٹر کراچی وچ پروقار افتتاحی تقریب وچ وفاقی وزیر دفاعی پیداوار رانا تنویر، وزیراعلیٰ سندھ سید مراد علی شاہ ، وزیر دفاع خواجہ آصف،چیف آف دی آرمی اسٹاف جنرل راحیل شریف، پاک بحریہ دے سربراہ ایڈمرل محمد ذکاءاللہ، پاکستان ایئر فورس دے سربراہ ایئر چیف مارشل سہیل امان اتے بئیاں اعلیٰ شخصیات وی موجود ہن۔ افتتاحی تقریب نال خطاب کریندے ہوئیں وزیراعظم محمد نواز شریف نمائش وچ شریک وفود دا خیر مقدم کریندے ہوئیں آکھیا جو حکومت معیشت کو ںمستحکم بناونڑ سانگے پرعزم ہے اتے ملک وچ سرمایہ کاری سانگے چنگا ماحول اتے منافع بخش سرمایہ کاری سانگے ودھ سارے مواقع موجود ہن جڈانجو پاکستان دفاعی صنعت دی ترقی سانگے وی سرمایہ کاری کر یندا پئے۔ انہاں آکھیا جو ملک وچ شرح سود گھٹ ترین سطح تے ہے جڈانجو افراط زر وچ وی نمایاں گھٹکی اتے شرح نمو وچ ودھارا تھئے۔ وزیراعظم نمائش کوں کامیاب بناونڑ سانگے منتظمین دیاں کاوشاں دی تعریف کریندے ہوئیں آکھیا جو آئیڈیاز نمائش عالمی سطح تے اپنڑ اں چنگا مقام حاصل کریندے ہوئیں عالمی منڈیاں وچ پاکستانی دفاعی ہتھیاراں اپنڑاں لوہیا منوایا ہے، نمائش وچ 2 ہزار توں ودھ آلات حرب رکھے گئے ہن۔ انہاں آکھیا جو اساڈے آلات حرب امن دے قیام سانگے ہن، پاکستان خطے وچ کہیں وی اسلحے دی ریس دے خلاف ہے۔ انہاں آکھیا جو ملک و چ د ہشت گردی دے واقعات وچ ودھ ساری گھٹکی تھئی ہے وزیراعظم آکھیا جو اسٹیٹ بینک 16 سال وچ پہلی واری گھٹ شرح سود دا اعلان کیتا ہے۔ انہاں آکھیا جو عالمی اداریاں وچ پاکستان دی معیشت دی درجہ بندی نہ صرف چنگی تھئی ہے بلکہ عالمی ادارے وی پاکستانی معیشت دی چنگائی کوں مندے اتے تعریف کریندے ہن۔ وزیراعظم محمد نواز شریف آکھیا جو حکومت سماجی شعبیں دی چنگائی تے خصوصی توجہ ڈیندی پئی ہے اتے ملک وچ توانائی دے بحران وچ نمایاں گھٹکی تھئی ہے جڈانجو توانائی دے منصوبیںدی وختی تکمیل سانگے وی ہنگامی بنیادیں تے کم تھیندا پئے۔ تقریب نال خطاب کریندے ہوئیںوفاقی وزیر دفاعی پیداوار رانا تنویر آکھیا جو آئیڈیاز دامقصد تشدد کوں مکاونڑ اتے امن کوں فروغ ڈیونڑ ہے، وزیراعظم دی قیادت وچ دفاعی شعبے ترقی کیتی ہے۔