سانگلہ ہل ۔ 11 نومبر (اے پی پی)وزیراعظم محمد نواز شریف آکھیا جو پاکستان دی ترقی اتے عوام دی فلاح تے بہبود پہلی ترجیح اے،کجھ لوک ترقیاتی ایجنڈے کوں روکنڑ چاہندن،انہاں لوکاں یکا اساڈے ترقیاتی منصوبیاں دی مخالفت کیتی جڈانجو او کامیاب کائنی تھیے،عوام نواز شریف نال ہن اتے او ترقی دے ایجنڈے کوں روکنڑ آلیاں دا کڈاہیں وی ساتھ کائنا ڈیسن۔او جمعہ دی ڈوپہریں کوں فیصل آباد پنڈی بھٹیاں موٹر وے تے سانگلہ ہل انٹرچینج دی افتتاحی تقریب دے موقع تے ہک وڈے عوام اجتماع نال خطاب کریندے پئے ہن ۔ایں موقع تے انہاں سانگلہ ہل سانگے گیس دی فراہمی،ننکانہ صاحب اچ250بستریاں دے ہسپتال دا جلدی منڈھ بدھنڑ،فیصل آباد ساہیانوالہ ایکسپریس وے دی تعمیر اتے قومی اسمبلی دے حلقہ این اے103دے دیہات کوں سوئی گیس ڈیونڑ دا وی اعلان کیتا۔
