اسلام آباد ۔ 21 نومبر (اے پی پی) وزیراعظم محمد نواز شریف عالمی شہرت یافتہ کوہ پیما حسن سدپارہ دے انتقال اُتے دلی تعزیت دا اظہار کریندے ہوئیں آکھیا جو آج پاکستان آپنڑیں ہک ہیرو توں محروم تھی گئے ۔ اوسنوار دی سویل راولپنڈی دے ہک ہسپتال اچ فوت تھی گئے ۔ آپ دے تعزیتی پیغام اچ وزیراعظم آکھیا جو حسن سدپارہ دی ماء دھرتی کیتے اعزازات حاصل کرنڑ کیتے کوششاں ہمیشہ سنہری لفظاں اچ یاد رکھیا ویسی ۔ وزیراعظم آکھیا جو مرحوم حسن سدپارہ دے عزم اتے خود اعتمادی انہاں کوں دنیا دی بلند ترین چوٹیاں سر کرنڑ دے قابل بنڑایا۔ وزیراعظم دعا کیتی جو اﷲ تعالیٰ مرحوم کوں آپنڑیں جوار رحمت اچ جاہ ڈیوے اتے سوگوار خاندان کوں اے صدمہ برداشت کرنڑ دا حوصلہ ڈیوے ۔
