اسلام آباد ۔ یکم نومبر (اے پی پی) وزیراعظم محمد نواز شریف گڈانی شپ بریکنگ یارڈ اچ آئل ٹینکر تے کم دے دوران دھماکیں دے قیمتی جاناں دے ضیان تے ودھ سارے ڈکھ دا ظہار کیتا ہے ۔منگل کوں ایوان وزیراعظم ولوں جاری بیان دے مطابق وزیراعظم متعلقہ حکام کوں امدادی سرگرمیاں تکھیاں کرنڑ اتے دھماکے دی بنا تے پھسیے ہوئے لوکاں دیاں زندگیاں بچاونڑ دی ہدایت کیتی ہے ۔انہاں آکھیا جو ودھ ساری احتیاط کریندے ہوئیں بھاہ کوں وختی توں وختی وسماونڑ سانگے چنگیاں کوششاں کیتیاں ونجن ۔وزیراعظم دھماکے اچ زخمیاں کوں چنگیاں طبی سہولتاں اتے دھماکے دی انکوائری دی وی ہدایت کیتی ۔وزیراعظم دعا کیتی جو اللہ سئیں مرحوماں کوں اپنڑی جوار رحمت اچ جاہ ڈیوے تے ڈکھی ٹبر کوں اے ڈکھ برداشت کرنڑ دا حوصلہ ڈیوے ۔
