کانفرنس دی میزبانی اقوام متحدہ دے سیکرٹری جنرل اتے ترکمانستان مشترکہ طور تے کریندے پن
اسلام آباد ۔24 نومبر (اے پی پی) وزیراعظم محمد نواز شریف ترکمانستان دے صدر دی دعوت تے اج جمعے کوں ڈو ڈینھ دے دورے تے ترکمانستان روانہ تھیسن ۔ او پاکستانی وفد دی قیادت کریندے ہوئیں اقوام متحدہ دے تحت اشک آباد اچ ” پائیدار ٹرانسپورٹ بارے پہلی عالمی کانفرنس ” اچ شرکت کریسن ۔ترجمان دفتر خارجہ ولوں جاری بیان دے مطابق اقوام متحدہ دے سیکر ٹری جنرل بان کی مون اتے ترکمانستان ایں کانفرنس دی میزبانی کریندے پن جیں اچ گھٹ توں گھٹ 1500شرکاء شریک تھیسن جیں اچ سربراہان مملکت تے حکومت اتے وزرا شعبے دے سی ای اوز ،سول سوسائٹی دے رہنما اقوام متحدہ دے عہدیدار شامل ہن ۔کانفرنس اچ پائیدار ترقی سانگے 2030دے ایجنڈے دے حصول دے حوالے نال پائیدار ٹرانسپورٹ دے ودھارے اتے کردار تے گالھ مہاڑ تھیسی ۔پاکستان مواصلاتی رابطے رکھ تے ریاستاں دے نال چنگے رابطے چاہنداں ہے ۔اے رابطے تجارتی تے اقتصادی تعلقات عوامی رابطے اتے سیاست دے موقع سانگے چنگے ثابت تھیسن
