اسلام آباد ۔ 2 نومبر (اے پی پی) وزیراعظم محمد نواز شریف ایں گالھ تے اطمینان کیتا جو پانامہ پیپرز دا معاملہ سپریم کورٹ نال حل تھیسی اتے عدالت عظمیٰ اچ آئین اتے قانون دے مطابق ایندا فیصلہ تھیسی۔عوام سڑکاں تے احتجاج کوں مسترد کر ڈتے۔شکر ادا نہ کرنڑ آلیاں کوں بہوں پہلے شکر کرنڑاں چاہیدا ہئی جڈانجو اساڈا موقف پہلے ڈینھ توں نشابر اے۔انہاں اے گالھ بدھ کوں وفاقی کابینہ دے اجلاس دے صدارت کریندیں ہوئیں آکھی۔وزیر اعظم آکھیا جو میڈے سانگے ساریاں توں ودھ اطمینان دی گالھ اے ہے جو پانامہ پیپرز دا معاملہ سپریم کورٹ توں حل تھیسی۔انہاں آکھیا جو میں مسلسل کوشش کریندا رہیا اتے میں خود سپریم کورٹ کوں کمیشن بنڑاونڑ دی درخواست کیتی۔ہک قانون وی تشکیل ڈتا اتے ہک پارلیمانی کمیٹی وی بنڑائی جڈانجو اے ساری کوششاں ناکام رہیاں۔وزیر اعظم آکھیا جو احتجاج کرنڑ آلیاں دا مقصد اے ہا جو ایں معاملے کوں صرف سڑکاں تے اچھالوں۔انہاں آکھیا جو اللہ دا وڈا کرم اے جو اے معاملہ سپریم کورٹ اچ آ گئے جتھاں انشاء اللہ آئین اتے قانون دے مطابق ایندا فیصلہ تھیسی۔وزیر اعظم نواز شریف آکھیا جو او پاکستان دی عوام دے شکر گزار ہن جنہاں سڑکاں تے احتجاج کوں مسترد کیتے۔انشاء اللہ فیصلہ میرٹ تے تھیسی۔انہاں آکھیا جو سپریم کورٹ اچ چاہے ایں پٹیشن دے قابل سماعت تھیونڑ اچ کوئی شک ہووے پر میں آپنڑے وکیلاں کوں ایں معاملہ تے بحث اتے سوال کرنڑ توں روک ڈتے اتے آکھیا جو ایں پٹیشن کوں ایڈمٹ تھیونڑ ڈتا ونجے۔الزام لاونڑ آلے شرمندہ تھیسن۔
