وزیر اعظم محمد نواز شریف دی قیادت وچ ملک دی ترقی دا سفر جاری رہسی،مخالفاں دی سیاست کوڑ دی ہے وفاقی وزیر ریلوے خواجہ سعد رفیق دی سپریم کورٹ دے باہر وںمیڈیا نال گالھ مہاڑ

اسلام آباد ۔ 15 نومبر (اے پی پی) وفاقی وزیر ریلوے خواجہ سعد رفیق آکھیا ہے جو عدالتی فیصلے دا ساریں کوں انتظار ہے ۔ سپریم کورٹ دے باہر میڈیا نال گالھ مہاڑ کریندے ہوئیں انھاں آکھیا جو عدالت وچ زیر سماعت مقدمے تے تبصرے نی کرنڑے چاہیدے ۔ انہاں آکھیا جو مخالفاں دی سیاست کوڑ تے مبنی ہے ۔ بئے دے جلسیں اچ ونجنڑ آلے جڈاں اپنڑے جلسے سانگے کال ڈتی تاں صرف چار لوک انہاں دے نال ہن ۔ پی ٹی آئی ضد تے ہے اتے انہاں دی سیاست سوا پگاں اچھالنڑ دے کجھ کائنی ،پاکستانی عوام انہاں دی سیاست دے متاثرین ہن۔ اللہ سائیںتوں دعاکرینداں جوا و مخالفاں کوں ہدایت ڈیوے ۔وزیر ریلوے آکھیا جو ساڑ اتے حسد دا علاج تاں حکیم لقمان ڈے وی کائناں ہائی ۔انھاں آکھیا جو وزیر اعظم محمد نواز شریف پاکستانیاں اتے پاکستان دی ترقی تے یقین رکھیندے ہن اتے انہاں دی قیادت وچ ملکی ترقی دا سفر جاری رہسی۔