اسلام آباد ۔ 10 نومبر (اے پی پی) سنٹرل ڈویلپمنٹ ورکنگ پارٹی دا اجلاس ، ارباں روپے دے ترقیاتی منصوبیاں دی منظوری ڈے ڈٹی گئی اے۔خمیس کوں زیر برائے منصوبہ بندی ترقی تے اصلاحات احسن اقبال دی صدارت اچ سی ڈیڈبلیو پی دا اجلاس پلاننگ کمیشن اچ تھیا۔اجلاس اچ وفاقی اتے صوبائی حکومتاں دے اعلیٰ حکام شریک تھیے۔اجلاس اچ ارباں روپے دے ترقیاتی منصوبیاں دی منظوری ڈتی گئی جئیں اچ پاکستان سیکرٹریٹ اچ مسیت دی تعمیر اتے اپ گریڈیشن سانگے 44کروڑ80لکھ روپے دی لاگت دے منصوبے شامل ہن ۔اجلاس اچ پاکستان کوں گرین بنڑاونڑ سانگے ونڑ لاونڑ سانگے 3.6ملین دا منصوبہ ایکنک کوں بھجوا ڈتا گئے ۔پاکستان اچ بجلی دے میٹراں اتے بلاں کوں بہتر کرنڑ سانگے 2ارب روپے دے منصوبے دی منظوری ڈتی گئی۔کے پی کے اچ 20چھوٹے ڈیماں سانگے 45کروڑ20لکھ روپے دی منظوری ڈتی گئی۔
