وزیر خزانہ اسلام آباد پولیس اہلکاراں دے عہدے اپ گریڈ کرنڑ اتے ایف سی اہلکاراں دیاں تنخواہواں اتے مراعات وچ ودھارے دے حوالے نال وزارت داخلہ دی سمری دی منظوری ڈے ڈتی ، حتمی منظوری وزیر اعظم ڈیسن

اسلام آباد ۔ یکم نومبر (اے پی پی) وزیر خزانہ اسحاق ڈار اسلام آباد پولیس اہلکاراں دے عہدے اپ گریڈ کرنڑ اتے ایف سی اہلکاراں دیاں تنخواہواں اتے مراعات وچ ودھارے دے حوالے نال وزارت داخلہ دی سمری دی منظوری ڈے ڈتی ہے ۔ وزیر داخلہ دے اعلان کردہ پیکج دے مطابق پولیس کانسٹیبل دا گریڈ پنج توں ودھا تے ست، ہیڈ کانسٹیبل ست توں 09 جڈانجواے ایس آئی دا گریڈ نو توں ودھا تے یاراں کیتا ویندا پئے۔ ایندے نال نال ایف سی اہلکاراں دیاں تنخواہواں کوں اسلام آباد پولیس دے برابر کیتا ویندا پئے۔ تنخواہواں وچ ودھارے دے نال نال ایف سی اہلکاراں کوں انٹرنل سیکیورٹی ڈیوٹی الاونس وی ڈیونڑ دی منظوری ڈتی گئی ہے جڈانجو ایف سی اہلکاراں دی مدت ملازمت35 سال توں ودھا تے 45 سال کیتی ویندی پئی ہے۔ پیکج دا اعلان امن وا مان اتے انٹرنل سیکیورٹی دے سلسلے وچ ایف سی دیاں چنگیاں خدمتاں کوں مدنظر رکھیندے ہوئیں کیتا گئے، پیکج دی حتمی منظوری اج وزیر اعظم ڈیسن۔