وزیر مملکت برائے اطلاعات ونشریات مریم اور نگزیب دی نجی سکولاں دے فن فیئردے موقع تے صحافیاں نال گالھ مہاڑ

اسلام آباد ۔ 27 نومبر(اے پی پی) اساڈا بنیادی مقصد تعلیم دے شعبے اچ بہتری لاونڑاں اے تا جو سرکاری سکولاں اچ زیرتعلیم بالاں کوں تعلیم حاصل کرنڑ دے بہتر اتے مساوی مواقع اتے سہولیات میسرآسکن، ملکی تاریخ اچ پہلی دفعہ وزیراعظم دے تعلیمی اصلاحات دے پروگرام دے تحت اسلام آباد دے 422سکولاں اتے کالجاں اچ نجی سکولاں دی انتظامیہ دی معاونت توں سرکاری سکولاں اتے کالجاں اچ جامع اصلاحات دا پروگرام شروع کیتا گیا اے،سرکاری سکولاں دے فزیکل انفراسٹرکچر ، کوالٹی آف ایجوکیشن اتے اساتذہ دی استعداد کاراچ بہتری واسطے ٹیچرز ٹرینگ تے خصوصی توجہ ڈتی ویندی پئی اے ،آئندہ تعلیمی سال دے آغاز اچ وفاقی دارالحکومت دے سکولاں دے طلباء کوں معیاری ٹرانسپورٹ دی سہولت فراہم کیتی ویسی ۔اتوار کوں نجی سکول دے فن فیئر میلہ دی تقریب دے موقع تے صحافیاںنال گالھ مہاڑ کریندے ہوئے وزیر مملکت برائے اطلاعات و نشریات مریم اورنگزیب نے آکھیا جو سرکاری شعبہ دے سکولاں دے معیاری تعلیم اچ بہتری کیتے وزیراعظم دے تعلیمی اصلاحات پروگرام دے تحت اساتذہ دی استعداد کار اچ بہتری کیتے ایڈوائزری کونسل دی مشاورت نال اقدامات کیتے ویندے پئے ہن ۔انہاںنے آکھیا جو وزیر اعظیم دے وژن دے تحت پبلک سیکٹر دے تعلیمی اداراں اچ موجودہ فزیکل انفرسٹرکچر دی بہتری اتے مزید سہولتاں کوں فراہمی طلباء دے حصول تعلیم دے نظام اچ بہتری اتے استاداں دی پیشہ ورانہ تربیت و ترقی دے نال نال معیاری ٹرانسپورٹ دی فراہمی کو یقینی بنڑایا ویسے۔انہاںنے مزید آکھیا جو پبلک سیکٹر سکولاں اچ ٹرانسپورٹ دی فراہمی دے سلسلے اچ 25بساں مل چکیاں ہن جبکہ مزید بساں نویں تعلیمی سال توں پہلے آ ویسن ۔ انہاں نے مزید آکھیا جو رواں سال قائد اعظم محمد علی جناں دے یوم ولادت کو شایان شان طریقے نال مناونڑ کیتے پورا ہفتہ تقریبات منعقد کیتیاں ویسن تے ایں واسطے سرکاری تے نجی تعلیمی اداراںاچ خصوصی پروگرام منعقد تھیسن ۔انہاںنے مزید آکھیا جو نجی سکولاں اچ زیر تعلیم بالاں دے والدین سرکاری سکولاں دے طلباء دے نال اپنڑے بالاں کو ملاونڑ اچ کردار ادا کریندے پن جیندی وجہ توں بالاں دے باہمی رابطے اچ اضافہ تھیسے ہک سوال دے جواب اچ انہاںنے آکھیا جو نجی سکولاں اچ معیاری تعلیم کیتے اقدامات کیتے ویندے پن جیندی وجہ توں ماضی اچ سرکاری سکولاں اچ داخلے دی شرح گھٹ رہئی اے پر ہنڑ حکومت دے جامع اقدامات دے ذریعے سرکاری سکولاں اچ بالاں دے داخلے دی شرح اچ نمایاں بہتری تھئی اے ۔ترک سکول سسٹم دے بارے اچ ہک سوال دے جواب اچ مریم اورنگزیب نے آکھیا جو پاک ترک سکول سسٹم اچ زیر تعلیم کوئی وی بال متاثر نہ تھیسے ۔انہاںنے آکھیا جو والدین اپنڑے بالاں کو معیاری تے اعلیٰ تعلیم ڈیوانڑاں چاہندن جیندی روشنی اچ وفاقی دارالحکومت دے تمام سرکاری سکولاں اچ معیار تعلیم کوں بہتر توں بہتر بنڑایا ویندا پئے ۔