اسلام آباد ۔ 15 نومبر (اے پی پی) وفاقی وزیر خزانہ اسحاق ڈار اتے وفاقی وزیر پٹرولیم و قدرتی وسائل شاہد خاقان عباسی دے رلے ہک اجلاس دی صدارت کیتی اتے وزارت پٹرولیم تے قدرتی وسائل بارے مختلف اقدامات تے پیشرفت داجائزہ گھدا گئیا۔وزیر خزانہ آکھیا جو پاکستان اچ خطے دے ملکاں خصوصی طور بھارت اتے بنگلہ دیش دے مقابلے اچ پٹرولیم مصنوعات دے نرخ ساریاں توں گھٹ ہن ۔انہاں آکھیا جو وزیر اعظم دی ہدایت دے مطابق وزارت خزانہ صارفین کوں ہرممکن ریلیف ڈیندی پئی اے۔انہاں وزارت پٹرولیم تے زور ڈتا جو ملک اچ نویں فیلڈز گولیے ونجن تانجو درآمدی بل دی مد اچ قومی خزانے تے بوجھ گھٹ پووے۔ایں موقع تے شاہد خاقان عباسی ملک اچ پٹرولیم دے نرخاں اچ استحکام کوں سراہندیں ہوئیں آکھیا جو عام صارفین سانگے فائدہ مند اے۔وزار ت خزانہ اتے وزارت پٹرولیم تے قدرتی وسائل دے سینئر حکام وی ایں موقع تے موجود ہن۔
