اسلام آباد ۔ 28 نومبر (اے پی پی) وفاقی وزیر خزانہ اسحاق ڈار بہوںجلدی متفقہ اتے منصفانہ 9 ویں نیشنل فنانس کمیشن (این ایف سی) ایوارڈ دا اعلان کرنڑ دے حکومتی عزم دا اعادہ کیتے۔انہاں اے گالھ سنوار کوں اتھاں وزارت خزانہ اچ ویں این ایف سی ایوارڈ بارے اجلاس دے بعد میڈیا نال گالھ مہاڑ کریندیں ہوئیں آکھی۔این ایف سی دے ارکان ڈاکٹر عائشہ غوث، سلیم ایچ مانڈوی والا، پروفیسر محمد ابراہیم اتے قیصر بنگالی وی ایں موقع تے موجود ہن ۔انہاں آکھیا جو نیشنل سکیورٹی فنڈ دے قیام سانگے تجویز وفاقی حکومت دے غور اچ اے جئیں اچ ترائے فیصد ریونیو دہشت گردی دے خلاف جنگ سانگے فنڈ اچ پول کیتا ویسی،9ویں ایف ایف سی ایوارڈ سانگے چار گروپس آپنڑی رپورٹس پیش کر ڈتن ،مفید آراء اتے تجویزاں تے آندے مہینے دسمبر دے تریجھے ہفتے اچ غور کیتا ویسی۔
