اسلام آباد ۔ 29 نومبر (اے پی پی) سنٹرل ڈویلپمنٹ ورکنگ پارٹی ارب روپے مالیت دے 7منصوبیاں دی منظوری ڈے ڈتی اے۔منگل کوں وفاقی وزیر منصوبہ بندی ، ترقی اصلاحات احسن اقبال دی صدارت اچ سنٹرل ڈویلپمنٹ ورکنگ پارٹی دااجلاس پلاننگ کمیشن اچ تھیا۔اجلاس اچ وفاقی اتے صوبائی حکومتاں دے اعلیٰ حکام شریک تھیے۔اجلاس اچ صوبہ سندھ اچ بالاں کوں حفاظتی ٹیکے لاونڑ دا 8ارب روپے دا منصوبہ منظور کیتا۔ایں پروگرام نال بالاںکوں 9بیماریاں توں بچائو سانگے ویکسین ڈتی ویسی۔اجلاس اچ کے پی کے اچ 6.6ارب روپے دی لاگت نال بالاں دی قوت مدافعت ودھاونڑ سانگے حفاظٹی ٹیکیاں دا منصوبہ وی منظور کیتا گئیا۔صوبہ بلوچستان اچ 7.3ارب روپے دی لاگت نال حفاظتی ٹیکیاں دا منصوبہ منظور کیتا گئیا۔اجلاس اچ بہاولپور اچ بالاں سانگے ہسپتال دی تعمیر دا51کروڑ90لکھ روپے دا منصوبہ منظور کیتا گئیا۔
