وفاقی وزیر منصوبہ بندی ترقی واصلاحات احسن اقبال دا اقبال ڈے دے موقع تے تقریب نال خطاب

اسلام آباد ۔ 09 نومبر (اے پی پی) وفاقی وزیر منصوبہ بندی ترقی تے اصلاحات احسن اقبال آکھیا جو علامہ اقبال جیہے شاعر صدیاں اچ پیدا تھیندن،عوام اتے جمہور دی ترقی نال ای مملکت کوں مضبوط کیتا ونج سگدے،اساں پاکستان دی صورت اچ پلاٹ تاں گھن گھدے پر مکان نی بنڑا سگیے،اگر اجوکی نسل نفع اتے ضیان اچ رہی تاں ترقی ممکن کائنی اقبال دے اصولاں تے عمل کرنڑاں پمسی،اساں آونڑ آلی نسلاں سانگے چنگا ملک چھوڑ تے ونجڑاں اے۔اے گالھیں انہاں بدھ کوں اقبال ڈے بارے پلاننگ کمیشن اچ تقریب نال خطاب کریندیں ہوئیں آکھی۔وفاقی وزیر آکھیا جو اقبال روز روز نی جمدے ،اقبال آکھیا ہئی جو او قوم ترقی نی کر سگدی جئیں اچ خود اعتمادی کائنی ۔