ٹرین سیفٹی تے کوئی سمجھوتہ کائنا کیتا ویسی،وسائل دی گھٹکی دے باوجود حادثیاں تے کنٹرول دی کوششاں جاری رکھی ونجن ،خواجہ سعد رفیق

لاہور۔7 نومبر(اے پی پی )وفاقی وزیر ریلوے خواجہ سعد رفیق آکھیا جو ٹرین سیفٹی تے کوئی سمجھوتہ کائنا کیتا ویسی،وسائل دی گھٹکی دے باوجود حادثیاں تے کنٹرول دی کوششاں جاری رکھی ونجن۔او سوموار کوں ریلویز ہیڈ کوارٹر آفس اچ ٹرین سیفٹی آپریشن بارے ہک اہم اجلاس دی صدارت کریندے پئن ہن ۔اجلاس اچ حادثے روکنڑ سانگے موثر حکمت عملی بنڑاونڑسانگے وزارت ریلوے اتے ریلوے ہیڈ کوارٹرز دے اعلیٰ سطحی افسراں اچ آپسی مشورے تھیے۔وزیر ریلوے ہدایت کیتی جو مسافراں دی جان تے مال کوں محفوظ بنڑاونڑ اتے حادیاں توں بچائو سانگے فوری اتے دیر پا حل گولیا ونجے۔اجلاس اچ سیکرٹری ریلویز پروین آغا، چیف ایگزیکٹو آفیسر محمد جاوید انور، مشیر ریلویز انجم پرویز، ممبر فنانس غلام مصطفی سمیت ریلوے دے بئے اعلیٰ افسر شریک تھیے۔