اسلام آباد ۔ 16 نومبر (اے پی پی) پارلیمنٹ دے ڈوہیں ایواناں دا سانجھااجلاس اج خمیس کوں پارلیمنٹ ہاﺅس اچ تھیسی، ترک صدر رجب طیب اردوان سانجھے اجلاس نال خطاب کریسن۔ قومی اسمبلی سیکرٹریٹ ایں سلسلے اچ سارے انتظامات کوںچھیکڑی شکل ڈے ڈتی ہے ۔ پارلیمان دے سانجھے اجلاس دے موقع تے سخت حفاظتی انتظامات کیتے ویسن۔ اجلاس وچ شرکت سانگے مسلح فوج دے سربراہان ،آئینی اداریاں دے سربراہاں اتے سفارتکاراں سمیت اہم شخصیات کوں دعوت نامے بھجواڈتے گن۔ اجلاس ڈینھ دے ہک وج تے 30منٹ تے تھیسی جیندی صدارت سپیکر قومی اسمبلی سردار ایاز صادق کریسن۔
