اسلام آباد ۔ 28 نومبر (اے پی پی) وزیر مملکت تعلیم تے تربیت بلیغ الرحمان آکھیا ہے جو نویں آرمی چیف ملک تے قوم دی توقعات تے پورے لہسن ۔ذرائع ابلا غ نال گالھ مہاڑ کریندے ہوئیں انہاں آکھیا جو پاکستان اچ امن دے قیام دے حوالے نال صورت حال دی چنگائی اچ اساڈے عسکری اداریں دے افسراں اتے جواناں دا اہم کردا ر ہے ۔انہاں پاک فوج دے موجودہ سپہ سالار جنرل راحیل شریف کوں خراج تحسین پیش کریندے ہوئیں آکھیا جو آرمی چیف اپنڑی مقررہ مدت کامیابی نال پوری کیتی ہے انہاں دیاں پیشہ ورانہ صلاحیتاں کوں ہمیشہ یاد رکھیا ویسی ۔بلیغ الرحمان آکھیا جو امید کیتی ویندی ہے جو جنرل راحیل شریف دے جانشین جنرل جنرل قمر جاوید باجوہ وی ملک تے قوم دی توقعات تے پورے لہسن ۔ نویں آرمی چیف جنرل قمر جاوید باجوہ دے پیشہ ورانہ تجربہ دے حوالے نال گالھ کریندے ہوئیں انہاں آکھیا جو جنرل قمر پاکستان دے معروف 10ویں کور کمانڈر رہ چکیے ہن اتے شمالی علاقہ جات اتے کشمیر دے حوالے نال ودھ سارا تجربہ رکھیندے ہن اتے عالمی سطح تے وی چنگی شہرت دے حامل ہن ۔
