پاکستان دی کابل اچ دہشت گرد حملے دی ودھ ساری مذمت ،،دہشت گردی کوں منڈھوں مکاونڑ سانگے تعاون جاری رکھیسوں ،ترجمان دفتر خارجہ

اسلام آباد ۔ 17نومبر (اے پی پی)پاکستان کابل اچ دہشت گرد حملے دی ودھ ساری مذمت کریندے ہوئیں حملے اچ جاںبحق تھیونڑ آلے لوکاں نال دلی تعزیت دا اظہار کریندے ہوئیں آکھیا ہے جو دہشت گردی لعنت کوں منڈھوں مکاونڑ سانگے تعاون جاری رکھیسوں ۔دفتر خارجہ دے ترجمان دے مطابق پاکستان خمیس کوں افغانستا ن دے دار الحکومت کابل اچ سیکورٹی فورسز کوں گھن ونجنڑ آلی گاڈی تے خود کش حملے دی مذمت کیتی ہے اتے حملے اچ قیمتی جاناں دے ضیان تے ودھ سارے ڈکھ دا ظہار کیتا ہے ۔