پاک فضائیہ ملکی دفاع اچ کلیدی کردار نبھائے،وطن دی خدمت سانگے پاک فضائیہ دا جذبہ لائق تحسین اے،وزیر اعظم دی مصحف ایئر بیس تے فضائیہ دے افسراں اتے نینگراں نال گالھ مہاڑ

سرگودہا ۔ 9 نومبر(اے پی پی) وزیراعظم محمد نواز شریف وطن دی خدمت سانگے پاک فضائیہ دے جذبے کوں خراج عقیدت ڈیندیں ہوئیں آکھیا جو پاک فضائیہ ملکی دفاع اچ کلیدی کردار نبھائے۔انہاں اے گالھ بدھ کوں اتھاں مصحف علی میر ایئر بیس تے فضائیہ دے افسراں اتے نینگراں نال گالھ مہاڑ کریندیں ہوئیں آکھی۔وزیر اعظم ایئرمین، سٹاف، افسراں اتے نینگراں دی صلاحیتاں دی تعریف،ہائی مارک مشقاں دی کامیابی تے مبارکباد ڈتی۔وزیر اعظم آکھیا جو فضائی مشقاں جیڑھی اہداف سانگے کیتی گئی ہن او پوری کر گھدی گئی اے۔انہاں آکھیا جو پاک فضائیہ تے قوم کوں فخر اے،پاک فضائیہ ملکی دفاع سانگے پاک فوج اتے بحریہ نال رل تے کم کیتے۔وزیر اعظم آکھیا جو پاک فضائیہ آپریشن ضرب عضب اچ وڈی کامیابی حاصل کیتی اے۔ایں آپریشن دہشت گرداں دی چیل بھن ڈتی اے۔انہاں آکھیا جو پاک فضائیہ دے شاہین اساڈا فخر ہن ۔