پاک فوج دے سربراہ جنرل راحیل شریف دا سوات دے علاقیاں مینگورہ کانجو اتے خوازہ خیلہ دا دورہ

راولپنڈی ۔ 11 نومبر (اے پی پی)پاک فوج دے سربراہ جنرل راحیل شریف سوات دے علاقیاں مینگورہ کانجو اتے خوازہ خیلہ دا دورہ کیتا ،دورے وچال جنرل راحیل شریف ،وزیر اعلیٰ اتے گورنر کے پی کے دے رلے سوات کنٹونمنٹ دا سنگ بنیاد رکھیا اتے خطے اچ پائیداور امن سانگے اہلیان علاقہ دے وڈی تعداد دے مطالبے تے 8ستمبر2015ء کوں سوات کنٹونمنٹ بورڈ دی منظوری ڈتی گئی ہئی۔پاک فوج دے شعبہ تعلقات عامہ(آئی ایس پی آر) دے مطابق پاک فوج دے سربراہ جنرل راحیل شریف تقریب نال خطاب کریندیں ہوئیں سوات دی غیور عوام کوں خراج تحسین پیش کیتا جیڑھے جو دہشت گرداں دے خلاف وادی وادی سوات اچ سکیورٹی فورسز دے رلے کھڑن۔سوات دی عوام ایں تریخی ڈینھ دے موقع تے مبارکباد پیش کریندیں ہوئیں جنرل راحیل شریف آکھیا جو سکیورٹی فورسز وادی سوات کوں یکا سانگے دہشت گرداں توں پاک رکھنڑ پائیدار امن اتے سلامتی دے قیام سانگے آپنڑاں کردار نبھیندی رہسن۔