پشاور دے نیڑے علاقے بشیر آباد اچ سڑک کنارے نصب بم دا دھماکہ،3 ایف سی اہلکار شہید

اسلام آباد ۔ 22 نومبر (اے پی پی) پشاور ا چ سڑک دے کنارے نصب بم پھٹ ونجنڑ پاروں 3 سکیورٹی اہلکار شہید اتے ترائے لوک زخمی تھی گے ہن ۔ایس ایس پی اعجاز احمد دے مطابق منگل دی سویل پشاور دے نیڑے علاقے بشیر آباد ا چ سڑک دے کنارے تے نصب ریمورٹ کنڑول بم ایں ویلھے زور دا پھٹ گیا جڈاں ایف سی دی گاڈی اتھوں لنگھدی پئی ہئی ۔دھماکے پاروں ترائے اہلکار موقع تے شہید تے ترائے زخمی تھی گے ہن ۔ریس کیو حکام دے مطابق زخمیاں تے لاشاں کوں سی ایم ایچ منتقل کر ڈتا گیا ہے ،سیکورٹی اہلکاراں علاقے کوں ولاچاڑھ تے تحقیقات شروع کر ڈتیاں ہن ۔