لاہور۔12 نومبر(اے پی پی )صوبائی وزیر تعلیم رانا مشہود احمد خاں آکھے جو وزیر اعلیٰ پنجاب محمد شہباز شریف دی ہدایات تے صوبے اچ ”خادم پنجاب سکولز پروگرام”دے تحت 10 ہزار توں ودھ اضافی کلاس رومز دی تعمیر دا پروگرام تشکیل ڈتا گئے ، جیکوں جنوبی پنجاب دے سکولاں اچ اضافی کلاس رومز دی تعمیر توں شروع کیتا ویسی ۔ صوبائی وزیر تعلیم رانا مشہود احمد خاں اتھاں مسلم لیگ (ن) دے اراکین اسمبلی اتے کارکناں نال گالھ مہاڑ کریندے ہوئیں آکھیا جو پروگرام اُتے مرحلہ وار عملدرآمد تھیسی اتے ایں پروگرام نال طلبا و طالبات کوںمعیاری تعلیمی سہولتاں ڈتیاں ویسن، اتے او چنگے ماحول اچ تعلیم حاصل کرسگسن۔ صوبائی وزیر آکھیا جو بال اساڈا روشن مستقبل ہن، پنجاب حکومت انہاں کوں معیاری تعلیم ڈیونڑ کیتے ہر ممکن وسائل استعمال اچ گھن آندی پئی ہے ۔ انہاں آکھیا جو ”خادم پنجاب سکولز پروگرام” فروغ تعلیم کیتے وزیر اعلیٰ پنجاب دیاں ودھ ساریاں کوششاں دا منہ بولدا ثبوت ہے۔
