چیئرمین تے ڈپٹی چیئرمین سینیٹ داکراچی ٹرین حادثے اچ جانی ضیان تے افسوس دا اظہار

اسلام آباد ۔ 03نومبر (اے پی پی) چیئرمین سینیٹ میاں رضا ربانی اتے ڈپٹی چیئرمین مولانا عبدالغفور حیدری لانڈھی کراچی قذافی ٹاﺅن اچ ٹرین حادثے اچ قیمتی جانی ضیان تے ودھ سارے ڈکھ تے افسوس دا اظہار کیتاہے۔ خمیس کوں انہاں اپنڑے انجھ انجھ تعزیتی سنھیے اچ دعا کیتی جو اللہ سئیں مرحوماں کوں اپنڑی جوا ر رحمت اچ جاہ ڈیوے اتے انہاں دے ٹبر کوں اے ڈکھ برداشت کرنڑ دا حوصلہ ڈیوے ،انہاں زخمیاں دی وختی چنگی صحت دی دعا کیتی ایندے علاوہ قائد ایوان راجہ ظفر الحق اتے قائد حزب اختلاف چوہدری اعتزاز احسن وی ٹرین حادثے تے تعزیت دا اظہار کیتا ہے ۔