چیف آف آرمی سٹاف جنرل راحیل شریف دا مہمند ایجنسی اچ دہشت گرداں دا وڈا حملہ کامیابی نال ناکام بنڑاونڑ تے سکیورٹی فورسز کوں زبردست خراج تحسین

راولپنڈی ۔ 26 نومبر (اے پی پی) چیف آف آرمی سٹاف جنرل راحیل شریف دا مہمند ایجنسی اچ دہشت گرداں دا وڈا حملہ کامیابی نال ناکام بنڑاونڑ تے سکیورٹی فورسز کوں زبردست خراج تحسین پیش کیتے،ہفتہ کوں آئی ایس پی آر ولوں جاری پریس ریلیز دے مطابق چیف آف آرمی سٹاف مہمند ایجنسی اچ گالانی کیمپ تے دہشت گرداں دے حملے تے چابکدستی اتے فوری کاروائی کر تے اونکوں ناکام بنڑاونڑ اتے کئی قیمتی جاناںکوں بچاونڑ تے انہاں کوں سراہیا۔ایں حملے اچ چار حملہ آوراں کوں ہلاک کر ڈتا گئے ۔ایں وچال سکیورٹی فورسز دے ڈو اہلکاراں وی جام شہادت نوش کیتا اتے آپنڑی جاناں دے کھیڈ کراہیں بمباراں کوں انہاں دے مذموم عزائم اچ کامیاب کائنی تھیونڑ ڈتا۔