ڈونلڈٹرمپ امریکا اتے دنیا سانگے خطرہ ہن،صدراوباما

واشنگٹن۔ 3 نومبر (اے پی پی) امریکی صدر براک اوباما سارے ڈیموکریٹ جماعت دے حامیاں کوں آکھیا ہے جوا وہ الیکشن وچ بھرپور حصہ گھنڑ اتے متنبہ کیتا جو امریکا اتے دنیا دی قسمت داتے لگی ہوئی ہے۔برطانوی نشریاتی ادارے دے مطابق صدر اوباما ایہ گالھ جنوبی کیرولائنا وچ ہک ریلی نال خطاب کریندے ہوئیں آکھی۔انھاں رپبلیکن جماعت دے صدارتی امیدوار ڈونلڈ ٹرمپ بارے آکھیا جو ا وہ جدوجہد دے بعد حاصل کیتی گئی سول لبرٹی، امریکا اتے دنیا سانگے خطرہ ہن۔اوباماآکھیا جو امریکا دی قسمت دی ذمے داری تساں لوکاں دے مونڈھیاں تے ہے۔ دنیا دی قسمت لڑکھڑیندی پئی ہے اتے تساں لوک ای ہیوے جیرھے جو ایں گالھ کوں یقینی بنڑاسگدے ہیوے جو اینکوں سہارا ڈتا ونجے ۔ڈوجھے پاسے ڈونلڈ ٹرمپ آکھیا جو صدر اوباما کوں ہلیری کلنٹن دی مہم چلاونڑ بند کرنڑ چاہیدی ہے اتے ملک کوں چلاونڑ تے توجہ ڈیون۔ ٹرمپ آکھیا جو اصل گالھ ایہ ہے جو کوئی وی اوباما دے بئے چار سال نی چاہندا