ڈونلڈ ٹرمپ 276 ووٹ گھن تے امریکا دے 45 ویں صدر منتخب ہلیری کلنٹن فون کر تے مبارخباد ڈتی

U.S. President-elect Donald Trump greets supporters along with his wife and family during his election night rally in Manhattan, New York, U.S., November 9, 2016. REUTERS/Mike Segar

واشنگٹن۔ 09 نومبر (اے پی پی) امریکی اپوزیشن جماعت دے امیدوار ڈونلڈ ٹرمپ 276 الیکٹورل ووٹ گھن تے امریکا دے 45 ویں صدر منتخب تھی گئے۔ ارب پتی تاجر اتے ریئلٹی ٹی وی سٹار ڈونلڈ ٹرمپ حکمران جماعت ڈیموکریٹک پارٹی دی امیدوار اتے سابق خاتون اول ہلیری کلنٹن کوں ہرا تے پوری دنیا اتے امریکا وچ رائے عامہ دے جائزیں کوں غلط ثابت کرڈتا ۔ ہلیری کلنٹن کوں امریکا دی شمالی اتے جنوبی ریاستاں وچ کامیابی حاصل تھئی اتے انہاں 218الیکٹورل ووٹ حاصل کیتے۔ ڈونلڈ ٹرمپ اپنڑی انتخابی مہم دے دوران خودکوں تبدیلی دا حامی اتے ”سٹیٹس کو“ دے مخالف دے طور تے پیش کیتا۔ انہاں امیگریشن دے نظام وچ اصلاحات گھن آونڑ ‘ حکومت دی سمت سدھی کرنڑ اتے کئی تجارتی معاہدے ختم کرنڑ دے نعرے لاتے۔جت دے بعد اپنڑیںحامیاں نال خطاب وچ انہاں اپنڑی حریف ہلیری کلنٹن کوں خراج تحسین پیش کیتا۔انہاں اپنڑے خاندان دے لوکاں اتے ساتھیاں دی وی تعریف کیتی۔انہاں آکھیا جو لوکاں انہاں کوں چنگے مستقبل سانگے ووٹ ڈتے۔انہاںڈے چنگے معاشی منصوبے ہن۔مخالفاں کوں وی نال گھن تے ٹرسن اتے اختلافاں کوں مکا تے ملک کوں ہک مٹھ کریسن۔ ڈونلڈ ٹرمپ پوری دنیا وچ آفس ٹاوراں، ہوٹلاں ‘ کیسینوز‘ گالف کورساں اتے بئے معروف تنصیبات دے مالک ہن۔ انہاں دی تجارتی سرگرمیاں دی نگرانی ٹرمپ آرگنائزیشن کریندی ہے۔ جیندے او خود صدر ہن ۔ او رئیل اسٹیٹ دے کاروبار نال وی منسلک رہےے ہن۔ انہاں 1965ءوچ وارٹن سکول آف فنانس توں گریجویشن کیتی۔ انہاں دی پہچان 20کروڑ ڈالر مالیت دا 58 منزلاں دا ٹرمپ ٹاور ہے جیرھاجونیو یارک دے معروف علاقے مین ہیٹن دے ادھ اچ ہے۔ انہاں دی موجودہ ذال سلووینیا توں تعلق رکھنڑ آلی ماڈل میلانیا انہاں دی تریجھی ذال ہے ۔ او ایںتوں پہلے ڈو گھر ذالیں کوں طلاق ڈتی ہے۔ اپنڑے سیاسی کیریئر داآغاز انہاں 1980ءدی دہائی وچ کیتا اوہ ریفارم پارٹی اتے ڈیموکریٹک پارٹی دے رکن رہیے اتے چھیکڑ وچ ریپبلکن پارٹی وچ شامل تھی گئے۔ انہان اپنڑے متنازع بیاناں دی وجہ نال شہرت حاصل کیتی جنہاں وچ میکسیکو دے تارکین وطن تے منشیات دی سمگلنگ دا الزام اتے مسلماناں دے امریکا وچ داخلہ بند کرنڑ خاص طور تے قابل ذکر ہن۔حالیہ امریکی صدارتی انتخاب دی خاص گالھ ایہ ہے جو ریپبلکن پارٹی دے جتنڑ آلے امیدوارڈونلڈ ٹرمپ ماضی وچ ڈیموکریٹک پارٹی جڈانجوڈیموکریٹ صدارتی امیدوار ہلیری ماضی وچ ریپبلکن پارٹی دی رکن رہیاں ہن۔ہلیری کلنٹن اپنڑی ہار من گھدی اتے ڈونلڈ ٹرمپ کوں فون کر تے انہاں دی کامیابی تے مبارخباد ڈتی ہے۔