گورنر سندھ جسٹس (ر) سعید الزماں صدیقی عہدے دا حلف چا گھدا

سندھ ہائیکورٹ دے چیف جسٹس انہاں توں حلف گھدا، تقریب حلف برداری وچ وزیراعلیٰ سندھ، صوبائی کابینہ دے ارکان ، سیاسی رہنماواں،سول اتے فوجی حکام دی شرکت
اسلام آباد ۔ 10 نومبر (اے پی پی)سندھ دے نویں گورنر جسٹس (ر) سعید الزماں صدیقی اپنڑے عہدے دا حلف چا گھدے۔نجی ٹی وی چینل دے مطابق تقریب حلف برداری جمعہ دی سویل گورنر ہاوس کراچی وچ تھئی ، سندھ ہائیکورٹ دے چیف جسٹس ،جسٹس سجاد علی شاہ سابق چیف جسٹس آف پاکستان جسٹس (ر) سعید الزماں صدیقی توں حلف گھدا ۔ تقریب حلف برداری وچ وزیراعلیٰ سندھ مراد علی شاہ، صوبائی کابینہ دے ارکان اتے سیاسی رہنماواں،سول اتے فوجی حکام شرکت کیتی۔ واضح رہوے جو نو منتخب گورنر اج اہم عہدیداراں ، سیاسی شخصیات نال ملاقاتاں اتے مزار قائد دا دورہ وی کریسن۔